Datganiadau iechyd

Pan fyddwch chi'n gwneud cais i gofrestr y GDC, rhaid i chi ddweud wrthym ni am unrhyw gyflyrau iechyd perthnasol a allai effeithio ar, neu sydd wedi effeithio ar, ddiogelwch cleifion, pobl rydych chi'n gweithio gyda nhw, neu'ch gallu i wneud eich gwaith yn ddiogel. Wrth gyflwr iechyd, rydym yn golygu salwch, anaf neu anabledd/nam, boed yn gorfforol neu'n feddyliol.

Er nad rhestr derfynol yw hon, dyma enghreifftiau o gyflyrau y byddem yn disgwyl gwybod amdanynt:

Nam ar y golwg heb ei gywiro
Presenoldeb unrhyw glefyd heintus, firws a gludir yn y gwaed (twbercwlosis, hepatitis B) neu glefyd trosglwyddadwy arall
Meddyginiaeth wedi'i rhagnodi sy'n amharu'n sylweddol ar yr ymateb imiwnedd
Clefyd neu bryderon seiciatrig
Pryderon sy'n gysylltiedig ag alcohol neu gyffuriau.

Os byddwch yn datgan cyflwr iechyd, efallai y bydd angen i chi ddarparu tystiolaeth ategol, fel datganiad gan eich meddyg teulu/arbenigwr yn cadarnhau eich bod yn addas i weithio neu unrhyw beth arall rydych chi'n teimlo sy'n berthnasol i'ch cyflwr.

Os gallwch ddangos eich bod yn rheoli eich cyflwr iechyd fel nad yw'n effeithio ar eich gallu i wneud eich gwaith yn ddiogel, ni ddylai fod unrhyw effaith ar eich cais.

Os ydych chi eisoes ar y gofrestr ac yn datblygu cyflwr iechyd a allai effeithio ar eich gallu i wneud eich gwaith yn ddiogel, bydd angen i chi ddweud wrthym.

Am ragor o wybodaeth, darllenwch ein canllawiau hunan-ardystio iechyd.